小妹做過電視、做過廣告、做過網媒，都唔好計廣告本身就係非人生活，講返傳媒，有邊個唔係OT無補水？嗱，我唔係話咁樣係好啱，我都係其中一個「受害者」，我只能夠講話呢個行業工種特別，而我相信香港大部份嘅打工仔，同樣都係無償OT。
黃子華嘅「魚蛋論」：你有四粒魚蛋我得三粒，我唔係要我多一粒，我係要你少一粒。我認，我而家的確係「魚蛋論」，憑乜嘢啲黑警有咁多OT錢？！
我有份交稅，你哋啲人工、OT錢我畀架！好心就唔好成日返工返到扮晒委屈、扮晒慘咁啦，又要人打氣又盛，樣唔樣衰啊？坐喺條街度食飯盒好慘？我同事寫稿寫到飯都冇得食啊，咁使唔使又搵啲藝員嚟俾個心心我哋呀？
虛偽咪就係呢啲囉，講到自己幾咁英勇、幾咁偉大，對香港付出幾多，又話serving with honour，然後郁啲就叫晒春，話警員點樣受傷點樣辛苦，你哋有人盲眼咩？有人中槍咩？有人死咩？冇你就收皮啦！
都係嗰句啦，咁Q辛苦咪唔好做囉，你哋咁優秀，辭職大把人請啦，唔好又要開工又要怨，好醜呀。
#呃OT #打市民拎OT
Search